الأطفال في العاب الكبار ” أزعجتونا “

الأطفال في العاب الكبار ” أزعجتونا “

64 7,321

أول ما تدخل على الأون لاين ، تجهز نفسك ، تدخل على اللوبي ، فجأه تسمع صوت مزعج ، صوت لا يطاق ، صوت يخرجك عن طورك ، صوت ” طفل ” يصرخ ويهدد ويتكلم بدون ما يوقف ، فجأه امه تناديه يعطي أخوه الصغير يكمل مكانه !  أكيد كلنا مرينا بهذا الوضع السيء ، وبكل أسف كثير من العاب الكبار ” الناضجين M ” غزوها الأطفال وصارت في بعض المرات عند حصول هذا الامر لك في إحدى الالعب تشعر بانفجار عبوة ناسفه في داخلك من شدة الغضب على وجود هؤلاء الأطفال وأسلوب لعبهم وصوتهم المزعج والمتواصل عبر الماكيرفون ! 

هؤلاء الغزاة المتمردين ، يكثرون في مناسبات الأعياد ، وفي الإجازات وأيام نهاية الأسبوع ، وشخصياً أذكر لكم مثال شخصي وتجربة مريرة مريت فيها من أحد الأطفال في أفضل لعبه على مر التاريخ MGS4 في طور الاون لاين طبعاً ، يفضحون اماكن تواجدك او يرمون قنابل وأنت في فريقهم غير الي تلاقيهم واقفين بس ينقتلون بالفاضي وهالشي يضر بنتائج الفريق .

أيضاً قصة أخرى لأحد اللاعبين ، حصلت قريباً عندما إجتمع مجموعه من الأطفال شكلوا فريق كامل في اللعبه ، أجتمعوا في الأون لاين وهم يتعشون ، وتسمع أصواتهم من الميكروفون الي تشك أنهم رامينه في الصحن !

في الغالب هؤلاء الأطفال ما يهتمون كم مره يموتون وبعضهم ممكن يترك كنترول التحكم ويروح الحمام ولا يروح يكلم أمه ، ولا يحل الواجبات ويرجع يكمل وما عنده أي مشكله ، وبكل أسف هم مستمرين باللعب على هذا الشكل وأهاليهم مستمرين في شراء الألعاب الغير مناسبه لهم ، ومظطرين نتعامل معاهم بكل أسف .

شخصياً دائما عندي مشكله مع الاطفال حتى في التعامل اليومي العادي بعيداً عن مجال العاب الفيديو ، إلا أني اعترف ان بعض الأطفال رائعين في اللعب ومحترفين أيضاً ، والعكس صحيح ، ويمكن أقدر ادخل مسمى ( أطفال الألعاب ) حتى على بعض الكبار ! وأيضاً نستثني بعض الصغار الرائعين ، إلا أني أعتبر هذا الأمر وهو وجود هؤلاء الأطفال في العاب غير مخصصه لهم كارثه على اللاعبين ذوي السن المناسب ، بغض النظر عن كون مجمل أو كل هذه الألعاب قد تكون سيئة حتى على شخصيتهم وغير مناسبه تماماً للعرض على الأطفال ومره أخرى لا اتحدث عن المشاهد الجنسية فقط ، ولكن بشكل عام هي غير موجهة لهم ، فرجاء خاص لأولياء الأمور اقرأوا التصنيف العمري للعبه وأشتروا لأولادكم حسب التصنيف المناسب لهم ، لمصلحتهم ، وعشان ما يزعجونا !

مع إحترامنا لكل أحبائنا الصغار أخوان وأبناء وأصدقاء ، نتكلم عن التصرف الطفولي وعن الأختيار الغير مناسب للعبه بحسب التنصيف العمري ولا ننتقص من أحد كلنا كنا صغار في النهاية والكثير من أحبائنا في هذه السن يتواجدون معنا هنا بشكل رائع .

 

64 تعليقات

    • ماشاء الله مواضيعه عبااارة عن :yes:
      و مواضيع تخليك تفكر كثيير من دهشت الامر و تحسها في صلب موضوع مهم ! ! ! !
      ___________________________________________________________________
      احس ان الي تبغى توصل له يا عبد العزيز
      انه الالعاب 18+ لا تصلح الي بنفس الاعمار الطلوبة و باقي الالعاب ( 4+ ……….الخ ))
      وانهم يتركون السب

      (0)
  1. والله هذا كله من الدوله و الاهل و المحل نفسه

    من دولة انها تسمح بدخول العاب غير مصرحة و ****** خخخخ

    الاهل يجب ان يهتموا بمشتريات الطفل

    المحل نفسه مايبيع هاذي الالعاب الى لفئتان عمريه معينه

    وصراحه اكثر لعبه فيها يهال MW3 شان كدا وقفت

    (0)
  2. اوافقك الرأي… لكن للأسف الواقع يقول أنه من الصعب منع الأطفال من دخول الألعاب وإزعاجنا بهذه الطريقة…

    إلّا أنه يبقى الأمل في المستقبل بأن يتم ايجاد طرق مبتكرة ..سواء من الجهاز نفسه او من البائع لوضع اللاعبين ذوي الاعمار المتقاربة مع بعضهم البعض ! .

    (0)
  3. ولا يجيك طفل قاعد في الغرفة و تسمع صراخ اخوانه و تعرف انه اهله دخلوا و عمته زارته و خواله اهدوا له هدية و موعد العشى قرب و و و و و و و و ……. :(

    (0)
  4. ماراح الومهم لأن يوم من الايام كنت منهم ( لكن اكيد ماكنت العب اونلاين)

    ماشاء الله واحد عمره 8 سنين بلايستيشن 3 وشاشة hd والعاب بجرافيكس خيالي ومحركات قوية واونلاين

    اما انا لعبة snake كانت منتهى التطور بالنسبة لي الى ان قدمت الاسطورة PS1 واتحفتنا بالجرافيكس الخيالي الخرافي ا!!!!!!!!!!!!!!!!!!!!!!!!!!!!!!!!!

    انا يزعجوني احيانا بهذه الاشياء مثلا

    اكون بلعب مباراة فيفا مثلا اسوي حركة وحدة فريقه كله يطيح

    اجيب هدف quit علطول ، يسبون وسط المباراة ، يصارخون

    (0)
  5. ما تبقى تسمع صوت أطفال العب اذا انت قادر من ساعة 9 الليل الى الفجر >> اما من 12 اليل تشوف ان الأطفال انقرضو تماما صدقني :-D

    (0)
  6. هذا سببة انه مافية العاب خاصة بالاطفال اونلاين

    كلها العاب كبار و الاطفال فضوليين

    الله يحفض جميع الاطفال انشالله ،

    (0)
  7. أول موضوع يعجبني في هذا الموقع..

    المبزرة طفشت منها في اللألعاب.. في ألعاب كثيرة كرهتها بسبب الأطفال وأولها كول أوف ديوتي..

    والله لو عندي ولد ويقول لي أبغى ألعب ألعاب كبار.. لأصرعه كف أنسيه إسمه

    (0)
  8. يا رجال حتى العاب ال mmo تلاقي بزارين يلعبون كيف ما ادري
    تلاقيه يغني ويكلم نفسه ودك تجيب العيد فيه :silly:

    الله يرحم زمان اول تلاقينا متكين على بيبسي مان وكراش زممممممممن lol

    (0)
  9. للاسف انا ساعدت على هالشي اللي كان مزعجني لاني اعطيت شريط mw3 لولد اختي لانه زملاءه اللي معاه فالمدرسة يبون يتحدونه ويبي يضيفهم عنده قمت اعطيته اياه هههههه
    هو فالمتوسطة اولى

    (0)
  10. فعلا وجود مثل هـ الصراخ أمر مزعج و واجهتهم في جميع الألعاب اللي لعبتها بدون استثناء .. وبما انك طرحت الموضوع فـ أنا أحب أقول وجهة نظري وقد يكون فيها حل ..

    بـ النسبة لـ ألعاب الـ +18 .. عن نفسي لو عندي أخو صغير راح أمنعه من ألعاب اللي فيها عنف بزيادة أو مشاهد جنسية .. لكن مثلا لعبة كود أو باتلفيلد راح اسمح له لأنه أطفالنا العرب غير الغرب ويوميا يشوفون في القنوات أخبار القتلى والجرحى والأحداث المؤسفة اللي تصير فـ أعتقد لعبة مثل كود والا باتلفيلد ما اعتقد انها قضية من وجهة نظري المتواضعة ..

    لكن طبعا يلعب شروط ! ( و شفت واحد من الشباب مطبقها والنتائج جدا رائعة ! ) ..

    والشروط هي عدم فتح المايك نهائيا نهائيا الا مع شخص معه في المدرسة او يقرب له ويتكلم معه هو بس ويعطي Mute للبقية !

    أعوده ان اللعب فوز و خسارة وما يسب والا يشتم عند اي موته له ..

    أرجع وأقول واحد من الشباب مطبقها والنتائج ولا أروع .. يعني الولد يلعب ويستانس وفي نفس الوقت ما يزعج خلق الله .. وبكذا نوازن بين الأمرين ..

    لأنه صعب اننا في لحظة نمنع عنه كل شي والوسيلة الترفيهية الأولى تقريبا في البيت .. أنا في عمره ما كنت أبي هذا الشي .. ولذلك ماراح أمنعه منه لكن بشروط وانتهى الأمر ..

    لأني أنا قبل لا أدخل الـ18 من قبل تقريبا فوق الـ6 سنوات كنت العب ريزدنت وسايلنت هيل وغيرها من الألعاب الـ+18 .. فما راح أجي امنعها على غيري وأناقض نفسي !

    (0)
    • بـ النسبة لـ ألعاب الـ +18 .. عن نفسي لو عندي أخو صغير راح أمنعه من ألعاب اللي فيها عنف بزيادة أو مشاهد جنسية .. لكن مثلا لعبة كود أو باتلفيلد راح اسمح له لأنه أطفالنا العرب غير الغرب ويوميا يشوفون في القنوات أخبار القتلى والجرحى والأحداث المؤسفة اللي تصير فـ أعتقد لعبة مثل كود والا باتلفيلد ما اعتقد انها قضية من وجهة نظري المتواضعة ..
      =====
      تبغى تقنعني ان مافية امريككيين و اوروبين اقل من 18 ويلعبون كود او باتل فيلد او انشارتد !؟؟

      (0)
      • لا ما أبغى اقنعك انه مافيه اجانب صغار يلعبون هـ الألعاب .. كاتب الموضوع كتب انه فيه تقييم عمري لـ كود وباتلفيلد والصغار اللي عندنا مايلتزمون فيه .. وأنا أقول مو شرط كل الألعاب اللي لها قوانين عندهم يطبقونها عندنا وذكرت وجهة نظري ..

        انا ماقلت انه صغار الأجانب ما يلعبون فيها .. لكن نسبة الصغار اللي يلعبون هـ الألعاب عندهم أقل بكثيييير من اللي عندنا .. لذلك انا أتكلم عن القانون بشكل عام !

        القانون عندهم مستحيل تشتري لعبة وانت تحت السن القانوني و أسأل اي طالب مبتعث تعرفه .. ( لكن ! ) تقدر انت يـ البالغ تشتري اللعبة لـ أخوك اللي أصغر منك وهذا اللي صاير عندهم !

        يعني أنت اللي تسوي كونترول على أخوك .. مو أخو يروح للمحل ويشتري لي هافي رين وGTA وكأنه رايح البقالة .. هذا اللي أنا أقصده ..

        (0)
  11. ما أخبيش عليكم أنا أحيانا بضرب الي معايا في الفريق في لعبة gta sa مالتي بلاير لما أمل من المهمات التقليدية .. يا اخي حد يطول يرجع لأيام الطفولة والبراءة :)

    (0)
  12. عشان كذا انا ادخل بحساب امريكي

    رغم وجود اطفال امريكان :-D الا انهم بنسبه اقل بكثير من العرب

    مره كنت العب ودخل الوالد الغرفه وشوي صوت يطلع من المايك ( عبارات الكاف الشهيرة ) ?:-)
    كان الموقف محرج

    (0)
  13. طيب و نحنا اطفال لعبنا .. خليهم يفلّو كمان ههههه

    ____________________________________

    المشكلة انهم مراهقين (مو اطفال) حق هياط المتوسطة توه طالعله الشنب و مسوي محد قده ويجيك طايح سب في العالم هههههههه

    (0)
  14. المصيبة لمن يجيك واحد بالغ مايترك سبة إلا قالها أو يجيك مشغل المايك ومشغل التلفزيون ويزعج كل اللي في الجيم . ياخي والله مصيبة أضطر أحياناً إني اخفض على الصوت عشان هذول المخربين

    (0)
  15. يالله من اطفال الالعاب ذول يا انهم ازعاج بشكل مو طبيعي يوصلك لمرحله الهستيريا ما ازيد على كلامك واتمنى الرساله توصل اخوي

    حلوووووووه “وعشان ما يزعجونا” :rotfl:

    (0)
  16. اما سالفة اطفال الألعاب او بلأحرى المراهقين هاذي مالها حل

    يجيك واحد راجع من المدرسة و متهزئ هناك لإنه ما حل الواجب و يجي و يطلع كل حرته بالمايك ، يا اخي انا وشلي فيك و في مشكلتك مع مدرس العلوم !!

    و لا يجي واحد فرحان تعلم سبة جديدة ويقعد يلحن في السبة و يتفنن فيها و يقولها كل خمس ثواني مسوي فيها فيفتي سنت الله لا يبلانا بواحد مثله

    و لا الرجال مسكين جوعان ويبي يلعب الاقي صوته و هو يالس يمضغ و يكسر عظم الدجاج و يتمزز و والدته تصارخ ورا تبا بيبسي و هو يعطيك ذاك الصوت الي يهزلك الغرفة آاآآآع و يقول شبعت

    و لا يكون مجمع كل عيال الفريج او الحارة عنده و تعرف كل اخبار الفريج و جيرانه و الي انضرب و الي يمدح في سيارة اخوه يقول الجي تي اسرع عن كورفت اخوك -> لا يا مايكل شوماخر انت و سابستيان فيتيل

    تقدر تسوي موضوع كامل كوميدي عن مراهقي الأونلاين

    (0)
  17. “الطفل” على قولتك اشترى البلايستيشن 3 بنفس السعر اللي انت اشتريتة و الـ”الطفل” اشترى شريط نفس شريطك بنفس السعر
    ما اتوقع ان اسلحة الاطفال ” خارقة ” عشان نقول انهم يخربون اللعب في النهاية
    اذا كان ازعاج بالمايك تقدر تسوي ميوت وتنتهي السالفة

    انا اشوف اولاد اخوي يلعبون انشارتد و كود6 و فيفا ( في السيرش جايب كيل ستريك الهرير وفي فيفا فاز 3 مباريات وراء بعض )

    ارجع و اقول انت انك تلعب ضد شخصيات وكل شخصية فوقها اسم الايدي وما يفرق اذا كان عمرة 20 او 6
    وصدقني ان اكثر من 50 % من لاعبي الاونلاين اقل من 18 اصلا كثير من الاعبين (هذا من حقة) اذا وصل 22 او 21 يبدا يقلل من وقت اللعب

    (0)
  18. عبدالعزيز النويصر .. أنت ضغطت على الوتر الحساس بموضوع من زمان كان ودنا نسمعه وخصوصآ في موقع عربي مثل NG4A أهنيك على هذا الطرح الرائع والمتواضع !
    فعلآ .. موضوع جدي وحاصل بكثرة في مجتمعاتنا العربية ومن واجبنا نحن كلاعبين هو نشر ثقافة الوعي لدى كافة الشرائح المتواجدة في عالمنا العربي والتوعية لعامة العائلات الأباء منهم والأمهات بأن هناك صنف من الألعاب لايسمح للطفل أطلاقآ باقتنائها بكل هذه السهولة وأنا أعلم تمامآ ماتفكر به بعض الأسر العربية على طريقة تفكير الطفل في مجتمعاتنا العربية نظرآ لجهل بعض الناس وأعتقادهم بأن الطفل قد أعتاد على مثل هذه المناظر والأشياء وبأستطاعته التأقلم معها ومن واجبنا نحن كعائلة أعطائه “الحرية التامة” في التعامل مع هذي الأشياء , نعم بدون أي حرص أو رقابة وهذا الي حاصل بكل أسف .. قد تولد الثقة المفرطة نتائج سيئة في سلوك هذا الطفل بعد تجربته لهذا النوع من الألعاب ولست مجبرآ أبدآ لذكرها فالأمثلة واردة والجميع يعلم بذلك !

    (0)
    • هو يقصد إلي يقعدون يسبون و يشتمون في خلق الله و يخربون اللعب مب اللاعبين العادين

      شي لاعبين صغار في السن بس محترفين من الدرجة الأولى و من التوب بلير

      بس لابد أن نرجع إلى مسألة التصنيف العمري و لازم نهتم فيها

      (0)
        • حتى لو كان فاهم

          شي ألعاب فيها مناظر انا عمري ٢٠ استحي اشوفها و نفس اللعبة تلاقي طفل عمره عش سنين يلعب فيها !! هاذي مصيبة

          بعد ما يشوف كم منظر في اللعبة و ينفتح عقله على باب جديد باب مدمر لا في رقابة من الأهل و لا هم يدرون بشي و تلاقي الطفل يستمتع بالقتل و يستمتع بدخول المراقص و يستمتع بالقيام بكل المحرمات

          هو في البداية يقول عادي بس هاذي فقط نقطة البداية

          كم واحد ادمر دينه و اخلاقه من ورا ها الألعاب

          التصنيف العمري شي مهم جدا جدا بس للأسف مافي ثقافة

          (0)
  19. انا صغير و عمري ١١ ولا احب ادخل خشمي في اشيا ما تعنيني انا اشوف ان لعبة lbpا احسن لعبة صغار وكبار لان الصغار يلعبون اما الاكبار يسوون المراحل انا اشوف الشعب العربي فااااااااااااااشل في الاتصميم انا ما اقصد الغرور بس انا احسن عربي يسوي مراحل و اذا تب تتاكد شوف مراحلي انا الايدي حقي ohob22 بليييز اد مي

    (0)
  20. انا من اولى متوسط العب العاب شوتر اون لاين وما سبيت احد ولا ازعجت احد
    المشكلة مو من الاطفال نفسهم المشكلة في كل جيل جديد
    كل ما يجي جيل جديد يكون اسوأ من الجيل الي قبلة نفس مشكلة الطول :-D دحين اولى متوسط زي 3ابتدائي

    (0)
  21. من جد الاطفال مزعجين في الاونلاين خصوصا في كود بس في بعض الاطفال يلعبون أونلاين وهم ساكتين بس خلونا نكون صريحين أنا كلنا مثلهم على ايام PS1 بس ما كان فيه أونلاين بس الذا كان راح نكون مثلهم بس بصراحة كلنا لعبنا العاب اكبر منا أنا كنت العب ريزدنت ايفل على سوني ١ و درايفر وسايلنت هيل و داينو كرايسيس كلنا يوم كنا صغار نلعب العاب للكبار خخخخخخخ والله اشتاق فريك الايام :i :chic:

    (0)
  22. “”في الغالب هؤلاء الأطفال ما يهتمون كم مره يموتون وبعضهم ممكن يترك كنترول التحكم ويروح الحمام ولا يروح يكلم أمه ، ولا يحل الواجبات ويرجع يكمل وما عنده أي مشكله “”
    ذكرتني بموقف في لعبة Bad Company2 كان يعلب معي واحد عمره صغير يتحدث بلغة غير الانجليزية, و الا فجأة توقفت شخصيته و اسمع صراخ امه عليه و هو يتوسل اليها باكياً :cry: :laugh:

    و آخر من دولة عربية بعد ما أخذت Head Shot محترم ^_^ و اجده يكلمني “” امانة أصحيك أصحيك””
    ————-
    أعرف أحد الأشخاص لا يسمح لولده الصغير بأن يلعب أي لعبة قبل أن ينهيها هو بنفسه, و اذا كانت فيها أشياء لا تليق بالولد (مقطاع مخله, مرعبة, دموية بشكل كبير , … الخ) يمنعه عنها.

    يعطيك العافية أخي على الموضوع ^_^

    (0)
  23. والله معاك حق ويتواجدون بكثرة في لعبة كود بكل اجزائها
    والله حتى اني كرهت اللعبة …
    الله يعين ….. :yes:

    (0)
  24. ماعندي اي مشكلة اني العب مع اطفال
    بس المشكلة الكبيرة هي بيع الالعاب الغير مخصصة لهم, يعني بالاخير هم بيضرروا وبيضرونا معهم :(

    (0)
  25. انا اخوي يرفه الضغط اظن كل ماجيت اشتري شريط سوني 3 يجي ويقول ابغا هاذا ثم ابي يجي ويرفض يقول الميزانية ماتكفي ولا مره شرية لخوي toy story3 وانا دارك سولز toy3 شريته 190 ودارك سولز 200 والمجموع 390 بس يوم جية لبوي قال كم الفلوس ورقعة وعطيته صواريخ قلت 190 وخوي الصغير يوم طفش من توي ستوري3 وروح وعلم ابوي يقول الفلوس 390 ويحي ابوي وسويلي في جسمي خطوط طيران من الضرب الي في جسمي وسموني اخواني الثانين المقفع وقهري ومره لعبة اونلاين فيه طفل صغير ويفصل ويقعد يلعب ويناديه واحد اسمعه انا من المايك ههه ويفصل النت علي نفسة ويعلق العبه

    (0)
  26. مــوضــع اكــثر من رائـــع يالغالي
    ويجب التطرق له في وقته قبل ان يخرج عن ايادينا
    اول شي يالغالي المواضيع والمواقف الا تكلمت فيها يالغالي صارت شي روتيني يحدث في حياتنا
    من الحركات ….
    سواى في الشــتم والا الرسائل الا تيجيني كل يوم
    فايا اخي الصغير
    لماذا اذا هزمت ولا قتللت تسب وتشتم وتغلط
    فانا كل مالعب
    اتعرض لهذه المواقف
    فياليت تكبر عقولكم
    ولا تــلعب الالعــاب المناسبه لكـــم

    (0)
  27. هو احسن شي تسويلك id اوروبي لانه مافي بزران
    اما الامريكي فسيئ في الاونلاين بالدول العربية لان النت عندهم يختلف عن اللي عندنا حتى يقولك اذا بتشتري شريط امريكي بيطلع الاونلاين :no: كله لا قات و تعليقات

    (0)
  28. انا عندي مشكلة من نوع تاني اكون رايح العب الاقي اخوي الصغير بيلعب و ما يتوقف عن العبة (للعلم اخوي ما بيلعب الا الاعاب العلي قدة مثال spider-man shatterd diemensoins

    (0)
  29. والله انك صادق أنـــــا يجيني اكتئاب

    منهم أعوذ بالله كل مالهم يكثرون بالحياة والمشكلة الكبرى

    أذا شغل المايك وبدا ويسب ويقول كلام أكبر منه هذي المشكلة

    يـــــــــــــــــاخي متى ينقرضون

    :poop: :poop: :poop: :poop: على المبزرة

    (0)

اترك ردا